Image
gzavmili
გიგი უგულავა სამწუხაროს უწოდებს ნიკა მელიას მხრიდან მის მიმართ გაკეთებულ განცხადებებს

გიგი უგულავა სამწუხაროს უწოდებს ნიკა მელიას მხრიდან მის მიმართ გაკეთებულ განცხადებებს

560 ნახვა
ნაციონალური მოძრაობის არაოფიციალური შეხვედრა ამ წუთებში მიმდინარეობს, რომელსაც გიგი უგულავაც ესწრება. მან შეხვედრაზე შესვლამდე განცხადება გააკეთა ფრაქცია ნაციონალური მოძრაობის შიგნით მომხდარ სიტყვიერ დაპირისპირებაზე.

მისი თქმით, პარტიაში სულ უფრო ცოტა რესურსი რჩება იმისათვის, რათა მხარეებმა რაიმე სახის მოლაპარაკებას მიაღწიონ.

გიგი უგულავა იმედს გამოთქვამს, რომ თუკი საბოლოოდ არსებული მცირე რესურსის გამოყენებაც ვერ მოხერხდა, მხარეები დაშორებას ცივილურ ფორმებში შეძლებენ.

იგი ასევე სამწუხაროს უწოდებს ნიკა მელიას მხრიდან მის მიმართ გაკეთებულ განცხადებებს. უგულავას თქმით, "არავისი საქმე არ არის ვისი ფრთის წარმომადგენელი იქნება იგი."

„მიშასთან მე მქონდა კომუნიკაცია. სამწუხაროდ, რთულია ტელეფონით კომუნიკაცია, უფრო მოკითხვის, ადამიანურ დონეზე. შეხვედრა შესაძლებელია, რომ შედგეს. მე ჯერჯერობით ვერ გავდივარ ქვეყნიდან, ის უკრაინაში არ არის. თუ მოხერხდება კარგი იქნება. მე წარმოვადგენ ერთიან ნაციონალურ მოძრაობას. ნიკა მელია წარმომადგენდა, ოდესღაც, მე. მე გავუხსენი ამ პარტიაში გზა და, სამწუხაროა, ის როგორც იქცევა. მაგრამ მე მასთან არ ვაპირებ პოლემიკაში შესვლას და არც, მით უმეტეს, დაპირისპირებაში. არ არის ეს ის საკითხი, რომელიც ამ წუთას მნიშვნელოვანი და კარდინალურია. პარტია კრიზისის წინაშე იმყოფება. თუ გვეყოფა პასუხისმგებლობა, რომ პარტიამ ეს კრიზისი გაიაროს, მაშინ პარტია გაივლის. თუ ვერა, დარჩენილი ძალიან ცოტა რესურსია,“-აცხადებს გიგი უგულავა.

rustavi2.com
9-01-2017, 09:24
ავტორი: news
Company GOGAGGG © 2005 | საიტზე გამოქვეყნებული მასალის შინაარსზე და გამოქვეყნებით გამოწვეულ შედეგებზე პასუხისმგებელია ავტორი!